مبينه من أولها !!!!

لما كنت صغيرون يا بعد قلبي.... كنت فصح كتير ....بس ما تقلقوا لانو ما استمر هالحكي معاي.....

ومره من زات المرات ....روحت أنا وبابا ( أبوي لمن لا يعرف المصطلح ).... لنعزي بواحد قريبنا ...انطرق برصاصة عنص نيعه وهو برقص بعرس ( رقصة الحوت الممغوص ) .... على انغام رائعة الموسيقار ربحي رباح ..... ( كتاب حياتي يا عين ).... وبالضبط سلخته الرصاصة بوجهه عند كلمة (عزاب ).

ما علينا .....

ولأنو أبوي كان مخدوع فيي وشايفني كتير حربوق وشطور .... فكان يعرفني عالجميع في العزا.....

اللي بشدلي خدودي .... وبقوللي: أمور ماشالله ....واللي بقوللي شو اسمك يا حلو ؟ بقولله رائد ...

بقوللي لسه ما صرت عقيد هههههههههههه....( وهاي هي النكته اللي سمعتها مليون مره في حياتي

ولازم أضحك كل ما واحد بحكيلي اياها ) .............واللي بسلخني خماسي عنص وجهي وبقوللي

كبران يا شلب (و تستخدم للدلع ومعناها كلب بالفلاحي وتستبدل (بعرص) حسب صلة القرابة) .

ما علينا ....

العزا كان في الضاحية ..... وكان وجهاء الضاحية على رأس المعزين.....وعلى رأصهم ....( لانو بهزولو ذنب كتير ) ....نائب المنطقة أبو يسري الطقيعة وللي هو اقطاعي كبير فاز بالانتخابات بعد ما كت نص

قروشاته....واشترى صوبات.....وعبا خزانات مي واجرار غاز..........ووظف مراسلين.....وفلا قرود .. وظله يرشق الضاحية مناسف لسخسخت....ومشي بعطوات ....وأعراس... وعزيات ....حتى الطهور ما كان

يفوته ...... لدرجة انو اضطر يصلي ( اتصوروا التضحية؟ ) عشان الناس تنتخبه.....وبالأخير فاز بفارق نص صوت.....................وبعد ما وصل المجلس التم على أكمن واحد من طينته وعمل حزب معارضة (شريفة ؟؟؟) مكون من شلة مستوزرين.

ما علينا .....

أخذني أبوي ليعرفني عليه :

أبوي: كيفك أبو يسري بيك؟

أبو يسري : هلا .... بأبو ....بأبو .....اياد؟ .... كيف حالك؟

أبوي: فوزي ....فوزي....أبو فوزي أنا يا سيدي..

أبو يسري : أبو فوزي.... الله يلعنو الشيطان ( بسب عليه للتمويه مع انو صاحبو عالعظم )...شكلو الواحد بلش يختير ههههههههههه ( مع اهتزاز كرشه وطيران زر من قميصه ما قدر يتحمل شدة الضغط)..... ومع ضحك مجموعة التحف اللي جايبهم معاه.

أبو يسري : ومين هالأمور اللي معك.....فوزي؟

أبوي: هاظا أبو الرور.... رائد ابني الصغير......

أبو يسري : ماشالله .....تعال عمو .....تعال....... هات لبوسك يا حلو.

طبعا أنا شوفت منظرة .....خف ضبان عقلي.... كرشه قدامة نص متر .... بشخور من كثر النصاحة .....وشواربة زي

المكنسة الخشنة.....ولسة في حبتين رز من سدر المنسف اللي سلخه _وهو بقول متغدي ...ما تغصبوني_ عالقات بالسكسوكة الشلبيه .................وكملها راح اتدرع قبل ما يكمل الجملة .............


شو بتعملوا بهالحالة ؟

الحمد لله انو كنت صغير وقتها وما حدا بلوم علي ....وتذكرت مقولة أمير الشعراء ربحي رباح :

سييييبك.....ترالالالالا

روحت اتخبيت ورا أبوي.....(لايش الأبو موجود )..... وطليت من ورا ظهره.


أبو ي: معلش أبو يسري بيك .... شكلو الولد مستحي شوي.

أبو يسري : بسيطة..... بسيطة .....يا حلو..... بأنو صف انت؟

أنا : شو دخلك؟

أبوي: وله؟؟؟؟؟

أنا :في الصف التاني جيم............

أبو يسري : ( السؤال السرمدي اللي بنسأل لكل الولاد ) وشو رح تطلع لما تكبر؟

أنا : وزير!!!!

أبو يسري ( وثلة من الحضور ) ايييييييييييييييييه ههههههههههههههههههههه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.

أبو يسري : وليش بدك تطلع وزير؟ ( مع تطليعة عشلية الغنم المرافقة لحضرته)

أنا : عشان اساعد الناس اللي مش ملاقين يوكلوا .....

أبو يسري: يا حرررررررررررررررام ....... هههههههههههه ليش تستنى لتكبر .....بتقدر تساعدهم هسه!!!!

أنا : كيييييييف؟؟

أبو يسري :......... شو رأيك تمسحلي السيارة و أعطيك 5 نيرات.....تروح تعطيها لواحد فقير.

أنا ( بعد تردد ): ماشي.

أبوي : وله ياللي ما بتستحي!!!

أبو يسري مع غمزة لأبوي ...............بعد اذنك يا بو فادي ( لا حظو انو الطقيعة ذاكرته شطب) خليه يروح ...........

أبوي: بتمون يابو يسري ......روح وله........

ما اتزحزحت حتى أخذت ال 5 نيرات .... بعد ما صار وجه أبوي أحمر وقرصني ميت قرصة ....واتحلفلي بأشارة ايده ( الساعة 3 عالدوار ) مع صكه مرعبة عسنانو ...........وبرضة ظليت متنح.

وروحت لأمسحلو الشبح .....وقبل ما أبلش.....لقيت يوسف المسخم في الطريق ....فكرت في الموضوع ..قلتلة ....وله يوسف تمسح السيارة وتوخذ نص ليرة ؟

انعجق و قاللي ماشي ....عراسي ياسيدي....أمرك ( المسكين واقع من مكوك ديسكفري)..... وبلشت أحرث عظهره......

طليت وراي الا أبوي و أبو يسري بطلعوا علي... وفارطين من الضحك...و أبو يسري بقول لأبوي: هههههههههههههههههههههههههه .....

ابنك مكانه مش بوزارة......................

هالنمس مكانه..................

م.فادي المحارمة
وطني ليس حقيبة ... وانا لست مسافر

والله يا اخي فادي انك رائع واشطر من كل اكيلة المنسف يلي كانوا قاعدين

تحياتي استاذ فادي ...

أنا يا سيدي طعه وقايمه ...

أول شي بشكرك انك ساهمت في نشر مقالاتي

ثتنيا : عتبان عليك ليش ما بتكتب منقول و أقل شيء تحط اسم الكاتب

شكرا