اهازيج .. فلسطينيه شارك معنااا

غني يا زهر الدحنون
وارقص يا خبز الطابون
طاح الشومر والزعتر
وودعنا سقعة كانون







فرحت عنزة جارتنا
لبست لاخضر قريتنا
من الخبيزة مونتنا
والبزيلا ام قرون



الفلاح اللي مكيِّف
مع انه الجو مصيِّف
بدو شهرين ونيِّف
وهو يوكل بقلة بليمون



من الصبح بدري يقوم
يحضَّر لقنابة لكروم ( قنابة : تقليم)
بحمل ع ظهره القدُّوم
ويكشكش نتش وطيون ( يكشكش : يزيل )



بتطربني هالعصافير
تغرد قبل الشمس تنير
ع التوتة تهدِّي وتطير
بلبل قبَّر وحسون



والا مقيقات الشنار
في نيسان وفي آذار
والمداحي بالقنطار


( المداحي : الاعشاش)
باضت هون وقاقت هون




ميِّل بزِّر فول اخضر
وشوف الحنُّون الاصفر
ولقِّط خُرفيش وزعتر
لملم واشوي حلزون



وان عْطِشِت في ميِّة
ميِّة مُكُر شتويِّة


( مُكُر : حفرة في الصخر تتجمع فيها مياه الأمطار )
وريحة الميرمية
اطيب ريحة بكل الكون



حضر لزراعة الصيف
خلي تراب الأرض خفيف
الكوسا والفكُّوس نظيف ( الفقّوس : قثاء يشبه الخيار)

وشمِّر رجل البنطلون



شو بدِّي احكي تاحكي
قريتنا خير وبرَكِة
الله يديملنا الضحكة
بارض الزعتر والزيتون

وتقول بنت في مخيم يا جمل
المحامل
دمع عيني من غربتي عن
الدار سايل
اهات يابنتي يابنت شعب
الاصايل
كلنا في الهم سوي وشعبنا
للهم شايل
لاا احلف بترابك ياوطن
اني على عهدي الك
ظايل
ياوطن ياللي هواك في قلوبنا
جايل
وصغارنا وكبارنا لاجل عينيك
في ساحات الوغى
صايل
يومن تحدينا في غزه
كل مهزوم وقايل
احنا ياوطن لكل صعب
اجمال محامل

يازريف الطول مرق وما سلم
منك يازيف القلب اتألم
حبك يازيف علامه علم
وغيرك ما بهوى ياعيوني انا

يازريف الطول يا بو الديمايه
لاارسلك سلام ع جنح الحمامه
ريتك يازريف تقرا الرساله
وماتقول يازريف اني نسيتك انا

يازريف الطول يا بن بلدي
ياغالي علي ياظلي وسندي
ريتك يا زريف تخيط لي كفني
وما تعيط علي ان متت انا

يازريف الطول يازينة بلادي
لاقطف لك حنون من ذيال الوادي
تستاهل يازريف يا ابن لجوادي
يا محلا الحنون من ارضك دارنا

عيني يازريف لعيونك تشتاق
اسمك يازريف ياسيد العشاق
دمعي ع خدي من هجرك رقراق
تعال يازريف وارحمني انا

يازريف الطول يا ابوقبه حمرا
قلي ياغالي لا ليش ها الكبرا
تعال يازريف نغني على جفرا
واحلى دلعونا من قلبي انا

فرساننا زين الشبابْ

زين الشباب فرساننا

نادى الوطن كانوا الجوابْ

تسلم إيديكو رجالنا

شدوا على خيل النهارْ

علوا البطولهْ بأرضنا

ما همهم عنف الحصارْ

ردوا العدا بحجارنا

دفعوا مهور الأغنياتْ

قالوا ويرخصْ دمنا

بحب الوطن والأمنياتْ

نفرد جسر اجسادنا

مهما الوطن يطلب نجودْ

يوخد جميع عمارنا

نفرش على الدرب الزنودْ

نحمي الأرض بصدورنا.

يا زريف الطول وصللي السلام
لشعب غزة مع كـل الإحتـرام
ابطالك يا أرض اسود وما تنام
وبكرة يجي النصر وتعيشي بهنا

******


يا زريف الطول يا ام الاحـرار
عزم اهاليك ابـدا مـا بنهـار
وما همك الليل والعـدو الغـدار
وترابك معطر بعطـور السنـا


****




وجفرا ويـا هالربـع
ع غــزة وديـنـي
واعطيني دخلك رشاش
ولا تنسـا المرتينـي

****
وجفرا ويـا هالربـع
جـفـرا جفـراويـة
صمود بوجـه العـدا
والنخـوة غـزاويـة

*****

ويا غزة لاجلك يا دار
بفديـكـي بعـنـيـة
ولاجل تحرير ترابـك
بتـرخـص المنـيـة

********



وعلى دلعونا على دلعونا***ويا أرض غزة فداك عيونا


ويا ابن غزة لا تحنـي راسـك
وخلي حمـاس هـي متراسـك
ولا تنسى أرضك ولا تنسى ناسك
وخلك ع درب الديـن الميمونـا

*****
لبعـث سلامـي وقلبـي اليكـم
والله بقلبـي وروحـي بفديكـم
وبكرة بعـون بفرحـة نيجيكـم
يوم التحرير ويفـرح هالكونـا


***



ويا رايح على غزة وصلي مرسالـي ...يـا عينـي هـو
وخبر اهلي والاحبـاب لفديهـم بحالي..يـا عينـي هـو

***

مشكورين عالاهازيج الجميلة