نهفات الكمبيوترجية

بس قبل ما ابلش لا تفكروني بتخوث وبتمسخر عالناس
بالعكس انا بفهم انه كل واحد شاطر بإشي ومش شرط يبدع او يعرف بكل اشي بالدنيا
وهدول الناس مش شرط يكونوا خبراء كمبيوتر وممكن يكونوا حاليا اشطر مني بمليون مرة


مرة اول ما بلشت شغل بالكمبيوترات
اجا زبون على الشركة
مشكلته انه المودم مش متعرف ومش راضي يشبك انترنت
جاب معه الجهاز عالشركة الشباب بحكوله وين المودم؟ ما كان راكب عالجهاز
طبعا نا متفرج كنت لسة سنفور
بحكيلهم المودم تبعي اكستيرنال يعني خارجي
بحكوله طب وينه بدنا نعرفلك اياه عالكمبيوتر وطبعا لازم ينشبك هالجهاز
بحكيلهم هيو برى في السيارة
بحكوله طب ليش مخليه بالسيارة بدنا نزبطلك اياه
بحكيلهم ما انا بحكيلكم المودم اكستيرنال
بده يزبطوه وهو برى بالسيارة والجهاز عنا بالشركة بما انه اكستيرنال

م.فادي المحارمة