ميجانا وعتابا ومواويل فلسطينية

اخواني ساقدم بعض المواويل والعتابا الميجانا التراثية التى انشهرت بها فلسطين00اتمنى ان تردوا عليها وتُغنوا الموضوع

من اغانى الزفة

لمين هالدار الكبيرة اللي محوطها كرم التين
والعطشان يشرب عصير هاذي دار ابو محمد

لمين هالدار الكبيرة اللي محوطها كرم اللوز

هاذي دار ابو محمد والعطشان يشرب كازوز


يا عز الطنب غالي علينا هيه يابو محمد يا جار لينا
يا عز الطنب غالي علية هيه يا بومحمد يا جار ليه
ونشوف فلسطين مين تولاها هاتوا جريدة تنا نقراها
تنشوف فلسطين مين استلمها هاتوا الجريدة وهاتوا قلمها

صارت لينا صارت لينة المليحة

صار السعد يدرج على التسريحة

صارت لينا صارت لينا المزيونة

صار السعد يدرج على اللمونة

صارت لينا صارت لينا النشمية

صار السعد يدرج على العلية

صارت لينا صارت لينا الغزالة

صار السعد يدرج على الخزانة

صارت لينا صارت لينا الغندورة

صار السعد يدرج على الحاكورة

لمين هالخيول المربوطة في الخوخ

هذي خيول ابو محمد ومجللة بالجوخ

لمين هالخيول المربوطة في التين

هذي خيول ابو محمد ومجللة بحرير

الزينة مليحة ولا نسخى نغربها

من بيت ابوها لحرجات العمام

الزينة مليحة على ايديها نقش حنة

يا محمد لو لحق الطلب غنى

راحو المجاريح يشكو من فعايلنا

لا احنا من طرف ولا هزايل

بنات الأمارة خاص الحمايل

لا احنا من طرف ولا من دون

بنات الامارة خاص الحمولة

والبدلة البيضة من طبريا

جابوها السمّاكة مع البحرية

والبدلة البيضا من حيفا وغاد

جابوها السماكة مع الصياد

لا تقولو بغني من رواق راسي

بسلي في همومي قدام الناسِ

لا تقولو بغني من رواق قلبي

بسلّي في همومي اللي كتبها ربي

يا طيرٍ طاير بيدي عليتو

سلم ع محمد وين ما لاقيتو

يا طير يا طاير بيدي رفعتو

سلم ع محمد وين ما لمحتو

حملت الجرة جديدة ترشح

ياكحلة عينك في القلب تجرح

من دمع عيني لاملي ابريقي

وارش الشارع مع الطريق

صلن ع النبي لتحسدنو

امو الحزينة تتقلدنو

صلن ع النبي لتحسدونا

أمو الحزينة تتقلّدونا

م/نبيل الزبن

في زفة العريس

يارزق الحلال درج يا غزالة
ريتك من نصيبي درج يا حبيبي
يا ام غصون العالية تلولحي يا دالية
تلولحي لقدر اطول تلولحي عرضين وطول
غلّن مهر العرايس يلعن أبو المدارس
غلن مهر الطالبات يلعن ابو الجامعات
حطيتي البلاوي فيه يام الثوب ال طرزتية
في نص الليل تعالي خذيه وعن جويزك خبيتيه
ضميني بحضينك ضم يام الثوب حزامو زم

زريف الطول
عذبت قلبي وعمقت الجروح يا ظريف الطول وين رايح تروح
لو كان عقلو بالجبال موزنا من رافق الزين لازم ما يسوح

يا عقد لولو بصدير البنت
يا ظريف الطول هنت هنت



واشهدوا يا حباب اني الليلة حلمت

ام العيون السود بحضني نايمة



يا ظريف الطول وين اهلك غدو

ع جبل حوران شالو وابعدو

يا مين يبشرني ويقولي عاودو

ياخد فدانين مع فلحة سنة



يا ظريف الطول يا عين العنبري

والبنات رخاص التسعة بوزَرِ

يلله يا عزب اتقلّب واشتري

منديل راحة والسعر مبينا



يا ظريف الطول ملا انت ظريف

ما عذب القلب الا الخد النظيف

يا مين يحب الله ويعطيني رغيف

رغيف المحبوب بيكفيني سنة



يا ظريف الطول يا عين العنكبوت

قفلو علية الباب من وين افوت

ما بفوت الحلوة حتى لو بموت

لو حطو في قليبي بارودة مكبسنة



يا ظريف الطول طولك بعرفو

ما تبوسش خدي يا نذل تقرفو



يا ظريف الطول ماشي قلنقوز

يا حزام البنت في حزام العجوز

لاروح للحاكم اقولو ما بيجوز

حزّمها بتلفون واحكمها بسنة



يا ظريف الطول ويا حلو الحلو

وحامل القربة على الصلب الحلو

بالله يا بنت اسقيني من الدلو

كلو على حسابك يا إبن بلادنا



يا ظريف الطول ويا مشمل شمال

ياللي طولك مع نسيم الهوا مال

ساق الله يالمحبوب تاكنّا جهّال

تا كنا في الدار نواجه بعضنا

///م . نبيل الزبن

على دلعونا وعلى دلعونا
هوا الشمالي غيّر اللونا
وهوا الجنوب غيّرلي حالي
ودَحَرْ من أرضي المجرم شارونا

من سجن عسقلان طِلْعِتْ آهاتي
ولمخيّم جنين وِصْلِتْ زفراتي
لَوْ حرِّ الزّفرة بيطالِ عْداتي
لحَرَقتِ جَحافِلْ جيشَكِ صهيونا

على دلعونا وليش دلّعتيني
لبن الفِدائي يومْ رضّعتيني
خلّيتي فراقِكْ صَعْبُ وحزينِ
سامحيني يا اُم الحُضنِ الحنونا

على دلعونا وليش دلّعتيني
عرفتيني مجوّز ليش أخدتيني
مكتوب كتابي عفلسطينِ
عهِدْ شهادة عمري ماخونا

يا شمسِ بلادي, ضَلّي لا تغيبي
مع آخرْ شُعاع رايح حبيبي
لَبّسني الدّبْلة وحتّم نصيبي
وبإيدي زنّرتُه وبوّست عيونا

يا شمس بلادي باللهِ دوري
رجع حبيبي في الورد الجوري

وصار جسْمُه الطاهر فُلُّ ومنتوري
وقدّم لي مهري زهر الليمونا

يا دلال مغربي شَعرِكْ الضّاربْ
كلونِ التُربة بشمسِ المغارب,
يوم استشهدتي, أسقَطْ شواربْ
وغنّت الدنيا "جَدَعة ومَزيونا

قومي من نومِكْ يا "عندليبِ"
وقولي لأمّك جاني خطيبي
ملفّع كوفيه وعَلَمي الحبيبِ
زِفّونا ياللي كُنتوا تحبّونا

على دلعونا, ودَلّعوا أرضي
هالكانت مهدي والصارِت لحدي
ترابَك يا وطن من تربة جِدّي
وجدودْ جدودي اللي اندفنوا هونا

با نابلسْ إبني وبنتي وحبيبي
يومْ دكّوا أرضِكْ نَصَبوا صليبي
يا بَلَدِ الثوّار, شبابُ وشيبِ
يا جبل النار اشتعلي اَتونا

يا قُدسِ العارج, يا باب السَمَا
يا قدسِ الماشي بصليبُه يِدمَى
استحلفنا باسمك من أخْرَسْ لاعمى
لو سمع الصخِرْ كانوا سمعونا


م/ نبيل الزبن

على دلعونا

وعلــــــــــــى دلعونــــــــــــة

زيتـــــــــون بـــــــــــــــلادي أجمــــل مــــــا يكونــــــــــــا

زيتون بلادي واللوز ا لأخضر والميرامية ولا تنسى الزعتــر

وقراص العجــة لمـا تتحمـــر ما أطيب طعمها بزيت الزيتونا

خبــز ملتوت وجبنــة طريـــة أكلــــة تدفينــــا بالشتويـــــــة

وصحون السحلب والهيطليـة خلتنــا ننسـى بــردك كانونــــا

يا ربي تشتي ونلبس طاقيـــة ونلبس كبود ونحمل شمسيــة

ونغني سوى يا فلسطينيـــــة دايم في بلادي خبز الطابونـــا


على دلعونا

على دلعونا وعلى دلعونا *** اهلا ومرحبا بللي أجوني



نسم تلانا يا هوا بلادي *** سلم علجبل سلم علوادي

مشتاق أشوفك يا أرض جدادي *** طالت الفرقة عللي حبونا



يا طير الطاير في الجو العالي *** عمري ما نسيتك دايم عبالي

جبلي من حيفا تفاح الغالي *** هتلي من القدس حبة زيتونا



يا ولد عمي المزروع ببيتك *** بلكي على الله جيت ولاقيتك

يا زهر النرجس عمري ما نسيتك *** عمري ما بنسا زهر الليمونا



سلم يا مسافر ع باب العامود *** قلو بستنا باليوم الموعود

وان كتب ربي يا مسافرين عود *** لأفرح وأغني على دلعونا



م/ نبيل الزبن

جفرا

جفرا وهي يا الربع
وطير الحب الشادي

يغني للسما الزرقا
فلسطين بلادي

ويقول القدس الحرة
تحرم ع الأعادي

حيفا ويافا وعكا
والضفة الغربية
* * *
جفرا وهي يا الربع
فلسطين بتنادي

وتقول يا أهل النخوة
مدوا لي الأيادي

والله الوطن غالي
بعيوني وفؤادي

أفديه بروحي ودمي
والبسمة الهنية

جفرا وهي يا لربع
أرضي وأرض أحفادي

واليوم الثورة الكبرى
والذكرى استشهادي

والحجر يعانق مقلاع
ويسجل ميلادي

والكفن الأخضر خلوه
لروحي هدية

جفرا وهي يا الربع
اسمعوني يا أولادي

صونوا الوطن بالجفن
واحموا ها البوادي

وامشوا ع درب التحرير
دربي ودرب أجدادي

وشوشني الطير وقلي
رجعتنا قريبة.
جفرا وهي يا الربع

جفرا وهي يا الربع نحلف ما نتراجع
لو قبلوا ولادي الخمسة وقطعوا هالمراضع

من رحم الأرض الحجر على العدا طالع
من شرش الشجر تطلع زيتونة قدسيا

جفرا وهي يا الربع وطلت من بيت ساحور
صرخة بتهز الأرض سرقوا خبز التنور

قتلوا رهبان المسيح عبد الكنيسة جور
حرقوا مصحف النبي وقطعوا حتى الحيا

غني ولا تفارق أرض مهما المحتل يصول
من حب الجفرا انتفض ونادي بصوت الأرغول

من شروقي زال الوجع وعالحوارة يصول السريس
ما توقف ثورة شعب وحجارة بأيدي

جفرا وهي يالربع من فوق السريس
طلت صبايا الوطن فوق رصاص تدوس

تصرخ من غزة ورفح من عين العروس
تجاوب من فوق الجبل صرخة عجورية



م/ نبيل الزبن.

أوف مشعل اوف مشعلاني

مع السلامة يا ظعن خلاني



بشوف مشعل على بلادو مقبل

حمّل جميلو وعلى بلادو قبل

زرع الحبايب في قليبو سبل



بشوف مشعل وارد على المية

ياخدود مشعل بالعسل مطلية



باشوف مشعل وارد على الطاحونة

ياخدود مشعل بالعسل مدهونة


نسر يا شايب الرأس مالك على الدار حايم

وإن كان بدك لحم ناس احضر يوم الحرب والكواين



يا الكحل مصحون في الهون

ياما فرق على كل السلاح

يا ما قتل كل شب غندور

تبكي عليه الصبايا الملاح



أصيل فعل ايش وتأسف عليه وانقال

واحتار يقول ايش بين الرفق العزاز

وان كان قتلي عندكو جاز قومو اقتلوني

وأنا مشهد علي نفسي

وأتاري الرفيق كنز ذهب مع طول الزمن ينعاز



يا حلو ياللي قميص النوم شكا منك

طالب وصالك بس أنا مختشي منك

لان جدتن علينا والجودة والكرم منك

مجدتش علينا لينا رب نشكيلو

يوم القيامة نخلص حقنا منك



يا قلبي فضك من العكر واشرب من اللي راق

هو العكر بتشرب ؟ واللا العكر بنذاق ؟

يا ما كتبنا محبة وياما رمينا وراق

وهذي المحبة طلعت ع العزيز فراق



أني ايش سويت يا وعدي يا مكتوبي

متين محبوب للي يسلّك دروبي

والليل كما الغول كل الناس تخاف منو

قتيل المحبة لم يخاف منو



والله ما ني بالهم مهموم ولا بالسر بايح

وأضحك لو كنت مهموم والقلب كلو جرايح



سريت بليل وأهلي لم درو بي

قطعت دروب وأكثرها دروبي

لو بدري منايا الموت قاعد الي ع الدروب

كان ودعناك يا عز الأحباب

م/ نبيل الزبن

حمام العروس

مشطك وقع في الطشت يام الدلال

بيك رضى واللا نزيدو كمان

بيي رضي وحكي الامارة تمام



مشطك وقع في الطشت يا نشمية

بيك رضي واللا نزيدو مية

بيي رضي وحكى الامارة تمام


الصمدة

طير اخضر على كمك يا عروسة طير

مبروكة على عمك وقدومك خير

طير اخضر على ذيالك يا عروسة طير

مبروكة على خالك وقدومك خير

يا رفيقتنا يا عروس ياروح الروح

يا ريتنا ودعناكي قبل ما نروح

يا رفيقتنا يا عروس يا عين العين

يا ريتنا ودعناكي قبل يومين

ودعناكي ورجعنا الله معنا

رب السما يجمعنا في بلادنا


قومي اطلعي قومي اطلعي يا زينة

ما ظل من فيدك ولا ملين

قومي اطلعي قومي اطلعي من يمك

واحنا حطينا حقوق ابوكي وعمك

قومي اطلعي قومي اطلعي من حالك

واحنا حطينا حقوق ابوكي وخالك

لا طاساتو حديد حمامكي جديد
تخليلنا هالحمام بالله عليك سعيد

من مبارح العصر حمامكي مصري
تخليلنا الحمام بالله عليك نصري



م/ نبيل الزبن

حمام العريس



عطرلو شليشو هالعريس

غالي ع اهل حوشو هالعريس

واحلق يا حلاق وعطرلي شليشو

نيّال العريس الغالي ع اهل حوشو

عطرلي منديلوٍ هالعريس

غالي ع اهل جيلو هالعريس

عطرلي عقالو هالعريس

غالي على خوالو هالعريس

عطرلي محرمتو هالعريس

غالي على مرتو هالعريس


يا رايحة لام العريس قوليلها
يلبس ويلبس جملة العرسان قزيت لو متين بدلة مخيطة


عريسكي دخل الحمام عطشان
يارايحة لام العريس قوليلها

يشرب ويسقي جملة العرسان
قزيتلو متين شربة مزوقه



عريسكي دخل الحمام جعان
يا رايحة لام العريس قوليلها

يوكل ويطعم جملة العرسان
قزيتلو متين وزة محمرة



شليشو يلمع يا سلام
طاح المدلل الحمام

شليشو يلعب للهوا
طاح المدلل الغِوا

شليشو يلعب للعِرِس
طاح المدلل للّبس


م/ نبيل الزبن

لما يروحوا على دار العروس

لا بسين ملبسين طالعين من باب هالدار
على كتوف السلاطين لا بسين الجوخ الاخضر
من عيون الحاسدين وابعدو العريس عن خيو


لابسات ملبسات طالعين من باب هدار
على كتوف البشوات لابسين الجوخ الاخضر
من عيون الحاسدات وابعدو العريس عن خيو


العريس وربعو راكبين مهارة العريس وربعو راكبين مهارة
لخوف بنيك لتصيبو العين زغرتيلو يامو يام اسوارة
والخيل تلعبو على الصفين يا مرحبا هذا بنية معاهم


وليش ما تنعم علينا ياملك ياسَمَك عظمك جرحني ياسمك
ليش ما تنعم علينا يا وزير ياسمك عظمك جرحني باليمين
ليش ما تنعم علينا يا سلطان ياسمك عظمك جرحني بالشمال


في سوق الجية في سوق الجية يا عريس بيع امك
رطلين هدية رطلين هدية هات لي بحق امك


في سوق الساحل في سوق الساحل ياعريس بيع امك
جوز المكاحل جوز المكاحل هاتلي بحق امك



فى دار العريس



هذي ضيفتك حييها هذي ضيفتك يا عريس
هذي جاهلة ربيها لا تسمع من كلام امك
هذي ضيفتك كرّمها هذي ضيفتك يا عريس
هذي جاهلة علّمها لا تسمع من كلام امك



ارفع راسك يا عريس مالك زعلان

على حدّك عروسة عود الريحان

ارفع راسك يا عريس مالك مِعْبِس

على حدك عروسة عود الرِّنْجِس




قاعد على القوز من تحتو قناة بتجري

يا حلو صادو عزالك وانت ما تدري

شباب اللي عليهم يعمر السامر

وقفولي وقفة نشامى تجبر الخاطر

شبابنا رودت بناتنا غنت

ياريت من شافت الشباب وما صلت

يبلاها بكاس العمى بعد العمى ولّت

يا حلو يا زين مكتوبك لفي معنا

لما قرينا الورق هلّت مدامعنا

تو الكلام انعدل تو الكلام اندار

تو الكلام انعدل مع مرقة الشطار



في ذنب الكديش اربطولي الشايب
بدو ام الشليش ملعون ابو شيبو
في خم الجاجات اربطولي الشايب
بدوِّر ع البنات ملعون ابو شيبو
ولا دلالو ما بديش الشايب
واخذ بدالو بكرة يموت الشايب
عاش القمل في لحيتو والشايب ان عاش
ولا محبتو محبة الكلب الاسمر
محلا المعرش فيه محلا هوا داركو
ما جيت اقيّل فيه لولا هوا بنتكو

م/ نبيل الزبن

عاليادي اليادي اليادي يابو لعبايدية
محلى سهرات بلادي على نبع الميّة
مشوار مشيتو الصبح و مشوار عصريّة
يا حبابي لا ترحلوا ظلوا حواليّة

لطلع ع راس الجبل وشرف على الوادي
و قول يا مرحبا , نسم هوا بلادي
و اوصّي رجال العرب ليعادوا اللي يعادي
يشعل براس الجبل حرب الفدائية



وين ع رام الله ....وين ع رام الله
ولفي يا مسافر ....وين ع رام الله
ما تخاف من الله....ما تخلف من الله
جفيت قليبي.... ما تخاف من الله

يا حمام الدوحي ....يا حمام الدوحي
رايح ع بلادي خد معك روحي
لبسها كوفيّة لبسها كوفيّة
من عجور وصّلها التحيّة




يا يمّا في دقه ع بابنا يا يما هاي دقة حبابنا
يا يمّا في دقّة قوية ,يا يما دقة فدائية
يا يمّا عشاق الحرّيّة,يا يمّا عم يدقوا بابنا


شالت شالت شالت,حملت الشبرية
سمرة فلسطينية,ردّي الحطّة مالت

شالت شالت شالت,حطّت في وطنّا
سمرة يم الحنّة , ردّي الحطّة مالت

شالت شالت شالت,حطّت في بير زيت
يم الثوب الزيتي,ردّي الحطّة مالت

شالت شالت شالت,حطّت في بيروت
يم الثوب التوتي , ردّي الحطّة مالت

شالت شالت شالت,حطّت في الخليل
يم الثوب النيلي ,ردّي الحطّة مالت

شالت شالت شالت,حطّت في رام الله
سمرة يم الحنّة,ردّي الحطّة مالت

م/ نبيل الزبن

زفة العريس

جبنا لك غزال محنى يا عريس عليك اسم الله
شوف الحلوة بيجنن حنن يا قرع حنن
زي البصل المصنن والسمرة لا توخذها
شوفك خلا الناس دهاشا طولك طول عرابي باشا
رجالك شرابين الدم يا محمد لا تهتم
وبنص الليل تعالي خذيه اعطيني توبك ترقص فيه
ما بقيلك حاجة عندي يام الثوب سباغ الهندي
حطيت البلاوي فيه يام الثوب ال الطرزتيه
ولعشيقك فرجيتيه عن جويزك خبيتيه
وامصو مص الزبيب بالسيف لاخذ حبيبي
في الاعدا والدم جاري يا محلا ضرب الشباري
يطلع برة يلاقينا ياويل اللي يعادينا
بالسيف نقطع شاربو ياويل اللي نحاربو
لو وقفت شواربنا ياويل اللي يحاربنا
يازمردة في قلادة محمد يا نور العين
يوم الحبل والولادة ياريت امك جابت اتنين
وخشبة من لديد النجارة بابور على الجسر ممدود
لو صار ع البيض غارة واحنا حزام المتاريس
من فوق ابو عرف مايل يا صاحبي ناديلي نادي
ما يسكنوها قبايل عن خويلفه للبساتين



م/ نبيل الزبن

غربة ما بدي غربة الغربة حرقت فؤادي

عيدي ما بين أحبابي ما بين أهلي وصحابي

عندي شبر بعجور بسوى المحيط الهادي

عيدي لو راح المحتل الساحة بفرشها ذل

لم بجمع ضمة خردل منها بيعيشوا أولادي



اليومْ الوقْفةْ وبكرى العيدْ

حضّرْ حَالكْ يا بو خالد

حضّرْ حالك للْفرحات

في الملاعبْ والساحاتْ

م/ نبيل الزبن

الدلعونا اكثر ما تعشقها الاذن وتطرب لسماعها





اترككم مع هذه المتطفات الدلعونية




====


على دلعونا وعلى دلعونا ... بلادي موجوعة أكتر ما يكونا

*****

بــلادي بتــتألم مين يداويها ... بغــربة شــبابا وناــسا وأهـالــيها
ترابا عم يصرخ يلا نلبيها ... ونرجع للأرض, الحضن الحــنونا

بــلادي يا بلادي يا بيــي وأمــي ... بسهلك وجبالك رح نرسم بسمة
لأرضك رح نرجع هي منا كلمة ... والمــوت بحضنك أجمل ما يكونا







====





على دلعونا على دلعونا

أسمعوا ياعالم مرة إسمعونا
***
القدس رح ترجع القدس رح ترجع

بالقبّي نصلي وبالأقصى منركع
نحنا للقدس بارودي ومدفع
والقدس إلنا مش لصهيونا





====





على دلعونا وعلى دلعونا = خلي عاحبابك قلبك حنونا


تانشوفون ياما مرقنا بالحاره = ونتحجج كنا في بيت الجاره
كنا نعملن يوميي زياره = وهني من عام لعام يزورونا

======





على دلعونــا وعلى دلعوــنا = حبك يا الأسمر أغلى من الكونا

***

حبي يا الغالي في قلبك صونو= وخليه يزهر ويعلي غصونو
والعهد البيني وبينك ما بخونو= ولو قدمولي خزنـــــة قارونا





====





ويلي دلعونا ويلي دلعونا
بيتي عمّرتو ما بين عيونا
***
حُبك يا سمرة خبيتو بْروحي
وإنتي عَذابي وبلسمْ جروحي
مطرحْ ما بدّك بعيوني رُوحي
قلبي ع حسابك ,فيكي مجنونا



====





على دلعونا وعلى دلعونا = القلب اللي عندي صاير مجنونا

***


خلي أشعارك حلوي وموزوني = حتى غنيلك نغمة حنوني
بخبيك بقلبي وجوات عيوني = روحي كرمالك والله مرهونا



=====





يـا قلبي المغرم حاجي تتوجع
بـكرا لحضنا والله رح ترجع
بتشوفا بيعينك,عيني رح تدمع
واحلف ما سيبا لو مهما يكونا





====



دللي دلعونا دللي دلعونا
جينا تنصيدن قامو صادونا
***
رُوحي بترفرفْ فيكي حواليكي
عيوني نصبتنْ حراسْ عليكي
عمْ بحلمْ غنّي ما بين ايديكي
زغيّر عم يحلم ضّمي حَنونا





===







على دلعونا وعلى دلعونا = ما احلاها الدبكة ونظرة العيونا
***
نزلنا ع الدبكة ونزلني حدّو = شبّك بإيدي وخدي ع خدّو
بالدبكة يمكن ماني من قدّو = رح بعمل منو قيس المجنونا



======









على دلعونا وعلى دلعونا= الله يسامحهم هلّي هجرونا

***
قلبي قدمتو للغالي هدية = وزينتو باسمو بأحلى جورية
عا حبو أنا لأبقى وفية = مهما جافاني أسمر اللونا





===







على دلعونا وعلى دلعونا = وشباب بلادي أجمل ما يكونا

***
أمي يا أمي محبوبي وينو = تسلمي روحو تسلملي عينو
طالت الفرقة ما بيني وبينو = قوليلو يعود لقلبي الحنونا





=====







على دلعونا وعلى دلعونا = ع فراق الغالي دبلت الجفونا

***
يمّا حبيبي قلبو شو قاسي = عزبلي روحي جرح إحساسي
طيفو شعللني وجعلي راسي = بن سينا وعلمو مارح يشفونا





=====



على د لعو نا و على دلعو نا
ع البيدر كانت و الهو ى جنو نا

***
قر بت عليها و غمزيتا عيو ني
اشتلقو الحصادي علــّي و لحقو ني

ر صا ص بوار يدن عم يمطُرو ني
لو جابو الهاو ن ما بيقتلو نا








وعلــــــــــــى دلعونــــــــــــة

زيتـــــــــون بـــــــــــــــلادي أجمــــل مــــــا يكونــــــــــــا

زيتون بلادي واللوز ا لأخضر والميرامية ولا تنسى الزعتــر

وقراص العجــة لمـا تتحمـــر ما أطيب طعمها بزيت الزيتونا


بواسطة / ضوء القمر