أحدث الطرق في................

من طرف **شذى المحارمه** الأحد مايو 17, 2009 10:24 am

تعوا نشوف احدث الطرق في التبليغ عن حالة وفاة

محمد عسكري بالجيش ... توفي أبوه طلبوا من قائد سريته
يخبره بدبلوماسية عشان ما ينصدم
قائد السرية وقف بالنص .... وحكى " اللي أبوه عايش يروح عاليمين، واللي أبوه ميت عالشمال"
محمد وقف عاليمين طبعا لانه ما بعرف انه أبوه مات

قائد السريه " محمد .... عالشمال حبيبي عالشمال "

***

وحده جوزها مات .... طلبو من صديق جوزها يخبرها بإسلوبه .. راح عليها حكالها :
-بتعرفي بدي أحكيلك شغله عن جوزك .....
-إيش هي ؟؟؟ إحكي ...
-إتجوز عليكي
-ايش ؟؟؟ شو بتقول ؟؟؟؟؟؟ لااااااااااااااااااااااااااااااااااااااااااااااااا
-لا لا بمزح معك .. هو بس مات

***

وحده جوزها مات بحادث .... الشرطي إللي كشف على الحادث فكر بطريقه يخبرها بإسلوب حلو
حكالها :
" إنتي أرملة محمد ؟؟؟ "
" لا "
" تشارطي ؟؟ "

***

وحده إبنها مات .... جوزها بده يخبرها بطريقته .. حكالها إبنك إمبارح بتبصبص ع بنت الجيران من الشباك
حكت له " الله يقصف عمره "
" ما هو قصفه وخلص "

***

وحده جوزها متغرب ... بشتغل برا ... الله أخد وداعته .. ومات ..
حكو لصاحبه يبلغ مرته وما يصدمها ... راح عليها وحكالها :
" كيفك إم محمد .. إيمتى شفتي جوزك آخر مره "
" والله من أربع تشهور "
" بقطع إيدي إذا بتشوفيه مره ثانيه "

***

الدكتور للزوجة: بدي أحكيلك شغلة أختي بس على إنفراد....

بتعرفي الأمراض موجودة منذ الأزل....
والأمراض الصعبة كمان....
والعلم بحاول دايما يتغلب عليها ومرات بنجح ومرات بفشل...
وزوجك عنده سرطان بالدم ولهلأ العلم ما لقي دوا شافي بسرعه لهالمرض.....
فديروا بالكم عليه وشوي شوي معه....
رجعت الزوجه عند زوجها...
الزوج: شو قالك الدكتور؟
الزوجة: إنك رح تموت.... (((أكيد مات من الصدمة)))