4‏ أسباب بتبطأ الكمبيوتر مع الزمن

من طرف **رامي سعادة** الثلاثاء يونيو 09, 2009 9:29 pm

سلام ...
بقولك المثل إسأل مجرب و لا تسأل حكيم
وأنا عندي خبرة لا بأس بها بمشاكل الكمبيوتر بما إني خربته الله أعلم كم مرة، ومن هاي المشاكل مشكلة تباطؤ أداء الكمبيوتر مع الزمن وهاي المشكلة بنمر فيها كلنا وبنوصل لمرحلة بنفرمت وخلصت خلصنا، بس احنا بنقدر نحافظ على سرعة الكمبيوتر بانا نعالج الأربع أسباب اللي بتخليه يبطأ مع الوقت:

1‏ السجلات او الرجستري
وهي علامات بتنزل مع كل برنامج بننزله والمشكلة انها بتظل حتى بعد حذف البرنامج وبتبطأ الجهاز لإن الوندوز كل ما بدو يعمل شغلة لازم يراجع كل السجلات الموجودة واذا تراكمت السجلات راح يوخذ الوندوز وقت أطول
الحل: نزل هاي البرامج
your uninstaller2008
استخدمه لحذف البرامج بدال الطريقة التقليدية لانو بحذف معظم السجلات الخاصة بالبرنامج المحذوف
registry patrol
أفضل برنامج لحذف السجلات بأمان بدون ما يتعرض السجلات اللي لسا بنستخدمها وبحذف كمان الشورتكت الغير ضرورية
registry first aid
استخدم بس خاصية البحث عن سجلات خاصة ببرنامج معين وماتستخدمش في البحث عن الأخطاء لإنه راح يخربلك النظام

2‏ الملفات المؤقتة
ملفات ما عاد الها لازمة وبتتراكم بكمية كبيرة تصل أحيان لعدة جيجات وبتعبي السي درايف عالفاضي
حلها:
your uninstaller 2008
استخدم خاصية البحث عن الملفات المؤقتة وحذفها فيه
webroot window washer
أكثر من رائع برنامج اختصاص تنظيف

3‏ الملفات المحذوفة
للأسف الملفات المحذوفة ليست حقا محذوفة وهي بتظل زي بقع عصير الرمان وبتروحش بسهولة وبتعبي الدرايفات وبتلز على الرام
الحل:
webroot window washer
مش بقولكو رائع، استخدموه لتنظيف المساحة الفارغة من الهارددسك واستخدمو أداة shred‏ لحذف الملفات بدال الطريقة العادية

4‏ الملفات المتجزأة
ملفاتك بتكون كل جزء منها في مكان مختلف في الهارد ديسك وبتأخر الرام لما يجي يقراها وهاي شغلة بتصير دايما ومستحيل منعها بس حلها ممكن:
الحل هو أداة defragmentation‏ تبع الوندوز نفسه فعالة وكويسة في برامج بتعمل العملية هاي كمان بس ما بتحضرني أساميها المهم استخدم هاي الأداة كل شهر مرة

في النهاية أمنياتي تظل اجهزتكو بخير وعافية

من طرف **العجوري** الثلاثاء يونيو 09, 2009 10:19 pm

تسلم اخي رامي الغالي على النصائح الجميلة والمفيدة
لكن انا دائما كل فترة بعمل للجهاز فرمدة وبنزل وندز
جديد هل هذا يحذفل كل شيء اشكرك

الله يسلمك عمي عجوري
الفورمات برجع الكمبيوتر سريع وجديد لإنه راح يتخلص من كل السجلات والملفات المؤقتة والتجزئة بس في مشكلة صغيرة
الفورمات راح يحذف الملفات على مضض والملفات المحذوفة او بقع الرمان راح تظل وتأثيرها راح يبين لما تعبي نص الدرايف سي وراح يبطأ الكمبيوتر في مدة أقصر
الحل هو انك تنزل برنامج webroot window washer ‎‏ بعد الفورمات وتستخدم خاصية تنظيف المساحة الفارغة wash free space ‎‏ وانشالله راح تستفيد منه

يسلموا اخي رامي على المعلومات
وبصراحة برنامج your uninstaller2008 كتير حلو
و إستفدت منه احسن من الطريقة المعروفة بمسح البرنامج
مابخلي أثر اله.

webroot window washer أما هذا البرنامج روعة و بنصح الاخ العجوري فيه